Tahirihiri te reva o te Kuki Airani

Ko te anau teia a te Kuki Airani tei rave maroiroi atu i te angaanga akavaanga i te tuatau paanga poro ua mokora tei karanga ia e ko te Preident Cup tei raveia ki Melbourne i teia epetoma i topa ake nei.

Kua rave maroiroi te anau Kuki Airani i ta ratou tuanga, mate mataku kore e te matutu, noatu eaa te tu o te turanga, kare rai ratou e rauka ia.

Kua akaieie te reva, kua tapokipoki te rangi, kua maringi mai te rangi, kua ooro na mea e na ropa ki te are no te makariri, inara kua autu noti te anau a te Kuki Airani mate tiratira tu.

Kua kauta ia te vaarua 4 e ko te islanders hole, te humaria te akaieie i te au mama, te mata katakata e na poe tiare ki te taringa, kua umeremere te tangata i to tatou tu mata katakata f te au taime me okotai mai te anau ki te okotai.

Poitirere ratou i te akatau mai anga e, mataora tikai teia au anau.

No runga i te turanga o te pa poro ua mokora, kare e aite ia te akaieie o te turanga o teia au tumutoa, matora ua koe i te akatau i ta ratou au peu, kare i tuke rava ki ta te tupuna tumutoa kia Tuiatara.

Kua topiri ia mai rai te au tokorua o teia au tumutoa i te tuatau o te tarekareka, ka uri rai to mata ka ono me e tane koe, kaore atu kaore mai a to te Mangaia ua.

Te tapapa atu nei te anau a te Kuki Airani i te Australian Masters, te maata nei te au mema tei inangaro i te piri atu ki teia akakoroanga.

Te rauka nei i te captain i te akameitaki atu i te au mema katoatoa o te Kuki Airani no tei rave mapoiroi i ta ratou tuanga angaanga, noatu te vera o te ra, te ua e te matangi, kua taunga ia kotou, punanga ketaketa.

Kia oronga mai te Atua i te maroiroi kia tatou katoatoa.