Kia Orana e te Etita, Tetai au mea tei tupu I rotopu I te mataiti 1965-2025.

I muri ua ake ite Festival of Arts 1972 I te enua Vitikua tae katoa mai te tai patianga mei Australia mai ki te Peremia Papa Arapati Enere kia oki atu te pupu ura CINAT ki te enua Australia ki Sydney, no te  akatueraanga o te Sydney Opera House. Kua ariki ia teia patianga e kua akateateamamao akaou a Papa Ota Joseph, Percy Henderson e Papa Araitia Tepuretu (MBE) I te CINAT.

E au mama ou tei ikiia mai no te akatae I te numero ki te 36. Ko te  tuatau teia I o mai ei a Lady Tuaine Marsters, Mary Browne Wigmore e te vai atu ra.

Kia rave ia te akatueraanga e ngateitei maata tei orongaia ki te Kuki Airani no tetai mata kia piki ki runga I te keo o te Opera House e tetai tangata Aborigines.

Meitaki maata kia papa Ota Joseph, Percy e Raitia tei iki mai iaku Temu Ngarima George no te reira ngateitei.

Kua tae katoa mai te ariki vaine ngateitei o Peritane ko Elizabeth II e tana tane e kua turou ia raua e to raua vaka tangata.  E maata ua atu rai te au pupu ura o teia nei ao tei tae mai ki teia akatueraanga o te Sydney Opera House.

Kua tae katoa mai te pupu o te Maori Nu Tireni. Te Top Ballet Dance Group o Rutia, to Peritane, Marike, Canada, Initia e te au pupu katoa o te au enua o te Moana Pacifica.

Kua aka aravei ia atu matou te Kuki Airani ki te ariki vaine Queen Elizabeth, pera katoa kua ki tetai world famous actor ko Raymond Bur. Kua nenei tutu katoa matou ki teia taeake ite oti anga te au

anganga o te Sydney Opera House.

Kua oronga ia mai tetai tikaanga kia takapini matou ia Sydney e Melbourne. Kua aravei katoa matou I tetai o te au metua Kuki Airani e noo I Australia. Mei te metua tane ko papa Itaea Bob, te vaine e te tamariki e tetai atu au taeake mei ia mama Nooroa e tona tokorua

ko papa Rota.

Te akara atu nei tatou no teia mataiti 2025 ma te vavaria o to tatou au ngakau.

Ki tu ta te Atua aratakianga.

Kia Orana e kia Manuia.

Papa Orometua Temu Ngarima George.