Dear Editor, Kia Orana e te Iti tangata Kuki Airani ite aroa maata o to tatou Atua ko Iesu Mesia, no te mataiti ou 2025.

Ite ra 4 no Aukute, mataiti 1965, kua riro mai tatou na tatou rai e akatere, e te tikaanga kia noo au tatou ki raro ake ia Nu Tireni.

Kia akameitaki ia te metua tane o te basileia, a Papa Sir Albert Henry, KBE. Mama Pepe e te anau tamariki.

Ite aiai Monite, ra tai (1st) o Tianuare 2025, kua raveia te akaepaepa anga a te Kavamani no te 60 mataiti na tatou rai I akatere. E tama ma, e maine ma, e papa ma e mama ma – uatu e kare I maata te au tangata tei tae mai, kua raveia te akatuera anga.

Kua kite au I toku turanga, e Ipukarea toku – ko Avaiki Nui. Manea te manako.

Ko au ko te orometua Temu Ngarima George, akatainu ia I raro ake ite tamarumaru a te Australian Christina Churches, BA in Biblical studies, BA in Theology e te MA in Ministry.

Te rekareka nei au I te tuku atu I toku au manakonakoanga no tetai au manako

tamanakoanga no teia basileia no te au ra ki mua.

Ko te tamanakoanga a te Prime Minister Mark Brown e te Orometua Tutai Pere e te Minita George Maggie Angene, e mea meitaki te reira. Ko te ngai paruparu kare i aka uipaanga ia kite iti tangata. Me akarongo meitaki tatou I ta ratou au tuatua anga, te karanga mai nei ratou kia turu tatou I ta ratou au tamanakoanga.

Taku tamanakoanga e ‘glory hunting’ teia, e kimi ingoa naku, na maua me kore ra na matou, kare na tatou Akara anga a-roto-pu – 1965 to 2025

Kua akamou a Papa Arapati ite tango o teia basileia ki runga ite tuatua na te Atua – I karanga iai tatou e, e basileia kerititiano.

Uianga? – Papu meitaki ei.

E maata te au tuanga angaanga meitaki tei kitea ia, e maata katoa te tai’i I roto ite 60 mataiti. Kua irinaki au e, e 10 au metua tei mou ite oe o teia basileia.

Ko Papa Arapati Enere, Papa Tom Davis, Geoffrey Henry, Joseph William, Terepai Maoate, Robert Woonton, Jimmy Marurai, Pupuke Robati, Henry Puna e Mark Brown.

I roto ite akatereanga kavamani, me 60 oou mataiti ka koi koe ite tuanga moni a te Aronga pakari (Old Age Pension).

Ko teia ainei te bonus o te basileia no te 60 mataiti – kia angaia tetai passport no tatou?

Kare au e inangaro ite passport Kuki Airani. Te mako ua nei te passport Nu Tireni.

Inara me ka tupu ake teia akakeuanga I tetai passport Kuki Airani, ka inangaro au I tetai passport Manihiki tipurepure. Te vai atura tetai au manako no teia epetoma ki mua.

Uianga kite iti tangata Kuki Airani, I Rarotonga nei, te au pa enua ite pae Tokerau e te pae Tonga. Kua papu meitaki iakoe e 100% toou oraanga me tae mai te mate, e ka tae koe kite basileia o te Atua, me kite ai o te po.

Te karanga nei te Apokalupo 3:1 e, E ingoa toou e ora ra koe, kua mate ra

Roma 10:9-10 – Kia aaki toou vaa e ko Iesu te Atu mou e kua irinaki koe I roto I toou ngakau e kua akatu te Atua ia Iesu mei te mate kua ora koe.

Teia oki taua tuatua ra, kua oronga mai te Atua ite ora mutukore no tatou e tei tana tamaiti taua ora nei. Tei iaia te tamaiti a te Atua ra, tei iaia taua ora nei, kare I ai ate tamaiti ra, kare iaia taua ora nei – 1 Ioane 5:11-12

Ka kite

Orometua Temu Ngarima George